11المميز لديناالفنون والإعلامفن و ثقافة

فنانة مصرية تدافع عن ياسمين عبد العزيز

دافعت نجمة الكوميديا المصرية الفنانة إيمان السيد عن النجمة ياسمين عبد العزيز، بعد حالة الجدل التي أثيرت حولها خلال الفترة الماضية.

ونشرت إيمان السيد صورة لياسمين عبد العزيز عبر حسابها الشخصي بموقع التواصل الاجتماعي “فيس بوك”: حيث قالت “في حب ياسمين عبد العزيز، مش هبالغ لو قلت إن ياسمين من أجدع الشخصيات اللي قابلتها، أنا معرفتي بيها داخلة على نحو 14 سنة دلوقتي”.

وأضافت الفنانة إيمان السيد: “فترة طويلة اتغير فيها ناس كتير، وناس أكتر كانوا قريبين وما بقوش موجودين، وياسمين عمرها ما اتغيرت، طول عمرها جدعة وبنت ناس ومحترمة وبتفهم في الأصول، بتحب شغلها وبتحب كل الناس اللي معاها يطلعوا بأحسن صورة، وزي ما خالد الصاوي قال وبضم صوتي لصوته، ياسمين عبد العزيز واضحة وصريحة ومش بوشين وما بتجاملش ودا أريح للناس كلها”.

وتابعت: “حقيقي التعامل مع إنسانة زي ياسمين مريح، خاصة لما تكون أنت كمان إنسان دوغري ومش منافق وملكش في اللوع”.

وفي نهاية حديثها قالت: “ياسمين عمرها ما اتغيرت معايا، في عز ما كان فيه ناس كنت فاكراهم قريبين مني وكانوا يقولولها ما كفاية إيمان السيد بقى، وحتى دا عرفته من برة مش منها لأن طول معرفتي بيها عمرها ما قالت لي ولا قالت قدامي حاجة تضايقني، ربنا يكرمها ويرزقها كل خير”.

لمزيد من الأخبار تابعوا صحيفتنا هتون

مقالات ذات صلة

اترك تعليقاً

زر الذهاب إلى الأعلى