إسبوعية ومخصصةزوايا وأقلام

الستر وأنواعه

﴿وَكَيْفَ تَصْبِرُ عَلَىٰ مَا لَمْ تُحِطْ بِهِ خُبْرًا﴾.

كلما ازداد فهم الإنسان وعلمه وبالقناعة بمآلات الأمور والعواقب كلما ازدادت طاقة صبره..

عن الرائع الدكتور/ مصطفي محمود:

كان فيه رجل بيبيع جرايد جنب حديقة الحيونات بالجيزة، وكنت اعدى عليه كل يوم بعد توصيل زوجتي للعمل، أقف معاه شويه، وبعدين اشتري منه جريدة الأهرام علشان اتعلم أسلوب الكتابة، لكن علمني حاجة أهم من ذلك.. هذا الراجل علمني درسًا مهمًّا جدًّا للعمر.

لما كنت أسأله ازيك انهاردة يا حاج، يقول لي: “الحمد لله في نعمة الستر”، فاندهشت بجوابه وسألته ليه الستر تحديدًا؟

قال لي: لأني مستور من كله.

قلت له: ستر ايه يا حاج.. ده انت البلوڤر بتاعك فيه رقعتين مختلفين اللون!.

فلما أحس بغبائي، فبادر بالشرح.

قال الستر ده أنواع:

– لما تكون مريض بس قادر تمشي على رجليك ده ستر من مذلة المرض.

– لما جيبك يكون فيه جنيه يكفيك تنام متعشي حتى لو عيش حاف ده ستر من مذلة الجوع.

– لما تملك ملابس تحميك من البرد حتى لو مرقعة ده ستر من مذلة البرد.

– لما تكون قادر تضحك وأنت حزين لأي سبب ده ستر من مذلة الكسرة.

– ‏لما تكون قادر تقرأ الجريدة اللي في إيدك، ده ستر من مذلة الجهل.

– لما تقدر تتصل في أي وقت بأهلك تطمنهم عليك وتطمن عليهم ده ستر من مذلة الوحدة

– لما تكون عندك أي وظيفة حتي لو بياع جرايد زي حالتي بس مش بتمد ايدك لحد، ده ستر من مذلة السؤال.

– لما يكون أبناءك ربنا مباركهم في صحتهم وتعليمهم وبيتهم، ده ستر من مذلة القهر.

– لما يكون عندك زوجة بنت حلال وشايلة معاك الهم، ده ستر من مذلة الراجل قدام مراته.

تذكر يا ابني: 

الستر مش ستر فلوس، الستر ستر نفوس. وتملك نِعَم يتمناها ملايين‏ البشر إنها نعمة الستر.

اللهم ألبسنا حلل الستر، والأمن والأمان، والخير والبركة، وانزع عنا الهموم والوباء والشرور.

جعلنا الله وإياكم من المستورين بستره الجميل.

اللهم أدم علينا سترك دنيا وآخرة.

بقلم/ أ. خالد بركات

مقالات ذات صلة

‫51 تعليقات

اترك تعليقاً

زر الذهاب إلى الأعلى